Nerbioiko Parke lineala
Nerbioiko Parke Linealeko Bide Berdea 10 kilometro luze da, eta Laudioko natura- zein ondare-ingurunea ezagutarazteko baliabide bikaina da. Erabat irisgarria denez, bizikletaz zein oinez egin ahal dira ibilbideak, eta, gainera, parke lineala paseoan gozatzea erabakitzen bada, hasierako puntura itzultzeko aukera ere ematen du, ibilbidean osoan zehar sakabanatuak dauden tren geltokietako edozein erabilita (Areta, Laudio, Santa Cruz, Luiaondo, Salbio, Iparralde eta Amurrio).
Behin paseoan hasita, ibaiaren ibilbidea zeharkatzeko eta haren gainean ibiltzeko balio duten pasabideez gozatu ahal izango duzu. Gainera, erromatarren aztarnez gozatzeko aukera ere izango duzu, hala nola, ibaia zeharkatzeko balioko dizuten Anuntzibai eta Otazuko zubiez. Halaber, ibilbidean aurrera egin ahala, XVII. mendeko estilo barrokoko jauregi bat aurkituko duzu, gaur egun, etxebizitza gisa erabiltzeko birgaitua.